تازہ ترین

مظفرآباد(پ ر) جماعت اسلامی آزادجموں وکشمیر کے مرکزی نائب امیر شیخ عقیل الرحمان ایڈووکیٹ نے کہا ہے کہ ہندوستان اپنے ناپاک عزائم کو آگے بڑھاتے ہوئے ریاست جموں وکشمیر کی ڈیموگرافی کی تبدیلی کے لیے حلقہ بندیاں کر کے ہندو وزیر اعلیٰ لانے کے پلان پر عمل پیرا،حکومت پاکستان عالمی سطح پر اس اہم مسئلے کو اٹھائے،مسلم اکثریت کو اقلیت میں بدلنے کے لیے ہندوستان نے جموں ریجن میں جہاں مسلمان اکثریت تھی وہاں نئی حلقہ بندیاں کرتے ہوئے مسلمانوں کے ووٹ بینک کو تقسیم کرتے ہوئے ہندو آبادی کے علاقے ان میں شامل کر لیے جو عالمی قوانین کی کھلی خلاف ورزی ہے،ان خیالات کااظہار انہوں نے میڈیا سے گفتگو کرتے ہوئے کیا انہوں نے کہاکہ ایسے علاقے جہاں ہندووں ممبر اسمبلی منتخب ہوسکتے ہیں ان کے حلقوں میں کوئی ردوبدل نہیں کی گئی بی جے پی اپنے مذموم مقاصد کو آگے بڑھانے کے لیے اس کا م پر عمل درآمد کررہی ہے جس سے ریاست جموں وکشمیر میں بڑا انسانی المیہ رونما ہو گا حکومت پاکستا ن اور افواج پاکستان ہندوستان کے مکروہ عزائم کو خاک میں ملانے کے لیے اپنا مطلوبہ کردار ادا کریں۔